立法會議員張宇人就「推動部門總部落區創造就業」議案回應修正案發言 (2011年6月1日)

主席

首先我要感謝公民黨兩位議員，陳淑莊及湯家驊，同埋民主黨的李永達議員，就我這項議案提出了三項修正案。

我睇返三位的修正案，發現佢地三位基本上都係贊同我的論點，即係要政府善用搬遷市區黃金地段政府部門總部這個契機，將這些部門分散搬去不同的非核心區及新發展地區，這樣既可帶動本土經濟，創造當區就業，又可釋放核心商業區的土地潛力。

當然，大家亦都唔滿意政府現時搬遷部門的速度，尤其係灣仔三座大樓進度之慢，更令人不滿，剛才大家都就此表達了關注。

所以，三位今次其實都只係就我的原議案作出了一些字眼上的技術性修訂。

好似陳淑莊同湯家驊議員，都要求在騰空貴重地皮後，政府在研究如何使用這些寶貴資源時，要顧及「平衡環境、保育、交通、城市規劃、增加公共空間等等」，這些大原則我地當然都係同意。

甚至湯議員可能嫌我原議案中，用「帶動」區內經濟這個字眼太溫和，修訂做「刺激」，我都同意「刺激」一下都無所謂。但我想講我們希望部門分散落區的益效，是能夠長期而持續性的，唔喺只得短暫的作用。

至於李永達議員認為要「全面規劃香港的城市發展，配合副都市中心發展策略」，這個意見其實跟自由黨提出的主張無大分別。

既然三個修正案同我的原議案「本質相同」，只係大家對枝葉略有不同見解，而且這些枝葉都係大家普遍認同的原則。所以，我們係會支持三個修正案。

主席， 我謹此陳辭。